BAB I
PURWAKA
1.1 Lelandhasaning
Masalah
Warisan
budaya saka para leluhur menika akeh sing bisa di sinauni karopara kawula muda.
budaya adiluhur punika uga bisa menehi
pambiyantu para muda sing ngangsu kawruh ngembangaken kabudayan. Salah sijine
budaya luhur sing isih ana sampek saiki yaiku wayang. wayang iku pagelaran
nganggo bonéka kang umumé katon éndah ing wewayangané lan dilakokaké déning
dhalang kanthi iringan gamelan. Bonéka kasebut
bisa kang awujud 2 dhimensi utawa awujud 3 dhimensi. Umumé, kang wujud 2
dhimensi, kagawé saka kulit (walulang), kang biyasané kulit sapi, utawa wedhus.
Lan kang wujud 3 dhimensi, lumrah digawé saka kayu kang direnggani penganggo
saka kain kang manéka warna adhedhasar karakter wayang kasebut. Nanging ing
sawatara tlatah, uga ana kang gawé wayang saka suket, lan kerdhus, nang wayang
jinis ngéné iki ora pati akeh ditemoni.
1.2
Undharaning Masalah
Ana 3 perkara sing diaturakeing makalah menika:
1.
apa kang di arani wayang kulit iku?
2.
Kapriye mula bukane pagelaran wayang kulit?
3.
Apa wae unsur kang ana ing pagelaran wayang
1.3 Paedah Paneliten
Paedah saka makalah
iki yaiku:
- Kanggo
Masyarakat
minangka papan sinau ngenani budaya wayang, lan bisa luwih mangerteni klira-klirune pangerten budaya wayang. - Kanggo
Panulis
minangka papan informasi ngenani budaya Jawa sing bisa didadekake cekelan kanggo panaliti sabanjure sing ana gegayutane karo panaliten iki.
BAB II
ANDHARAN
2.1 Pangertosan
Wayang
Wayang dumadi
saka tembung wod “yang/yang” oleh ater-ater wa-, tegese rong seng iso gawe bejo lan celakane manungsa.
Wayang yaiku wewayangan utawa gegambaran watak lan jiwane manungsa wayang
mujudake titisan manugsa, wayang iku pagelaran kang gawe saka boneka sing
umumme kanthon apik ing pewayangan dilakokake deneng dalang kanthi iringan
gamelan. Boneka wayang iku bisa mujudake 2 dhimensi utawa 3 dhimensi. Seng
wujud 2 dhimensi di gawe saka kulit (walulang), seng kerep di gawe kulit
sapi/wedhus, dhene sing 3 dhimensi lumrah di gawe saka kayu. Nanging ing
sawatara tlatah uga ana sing di gawe saka suket lan kardus. Wayang jenis suket
lan kardus ing jaman saiki wis jarang ditemoni maneh bedho karo jaman mbiyen.
Crito wayang sing dilakokake di jupuk saka crita Mahabarata lan Ramayana sing
uga kasebut wayang purwa. Sajroning pagelaran wayang di tancepake ing dhebog (wit gedhang) sing
dilakoake dalang sedino sewengi wayang di gelar.
2.2 Mula bukane Wayang
Miturut para ahli budaya uga panemune penyelidikan para ahli
arkeologi sing ana ing Indonesia, kesenian budaya wayang kuwi saktemene bentuk
asline wis ono biyen-biyen, rikolo isih jaman kuna, yaiku jaman sakdurunge ana
agama Hindu Budha. Ing jaman semana sing diarani budaya wayang wis diduweni
karo dening bangsa Indonesia dewe. Dadi wayang kuwi iya kabudayan asline
bangsa. Wektu kuwi, budaya wayang isih cedak hubungane karo muja-mujine
kapercayan animisme sing isih pada dianut para leluhuring bangsa Indonesia. Miturut
kapercayan Animisme roh nenek moyang utawa leluhur bisa dienggo nyenyuwun
petunjuk bantuan kanggo kamulyan uga biso disuwuni kanggo pengayom kasusahaning
lan kacilakane menungsa. Kosok baline ruh kuwi mau iya uga dipercaya sing bisa
ndadekake gangguan utawa kacilakane menungsa. Mula rikala semana, yen ana karep
kanggo nyenyuwun bantuane roh para leluhur, banjur dianakna kaya dening upacara
ritual selametan, sing jarene bisa ngundang, nimbali para rohing leluhur sing
wis pada seda kanggo disuwuni keselametan lan kamulyane menungsa. Upacara ritual
mau dianakna dibarengi nganggo cara gawe pagelaran wayang.
2.3 Unsure wayang
Unsur-unsur pagelaran wayang ana 2 yaiku:
1.
Unsur Benda
Yaiku ubarampe kang arupa benda tertentu kang digunakake ing pagelaran wayang.
Unsur kang di maksud yaiku:
a. Wayang kulit
Wayang kulit jawa
digawe saka kulit kewan. Umume di gawe saka kulit sapi nanging uga ana kang di
gawe saka kulit wedhus
b.
Gamelan
Gamelan yaiku seperangkat alat musik perkusi lan petik sarta gesek sing
ngiringi pagelaran wayang . macame gamelan ing antarane yaiku:
Ø Gong
Gong yaiku salah sawijining alat musik kang digawe saka perunggu
lan kalebu gamelan pencu. Gong dimainake dening di gepuk. Fungsine gong yaiku
digawe pratandha akhire gatra lan uga kanggo pratandha diawali lan diakhiri
gendhing.
Ø Saron
Saron utawa kang kasebut uga ricik, yaiku gamelan kang kalebu
keluarga balungan. Ing gamelan biasane nduweni 4 saron lan kabeh nduweni versi
pelog lan slendro. Saron ngasilake nada siji oktaf luwih dhuwur saka demung.
Tabuh saron biasane digawe saka kayu dening bentuk koyo palu.
Ø Demung
Demung yaiku salah sawijining instrument gamelan kang kalebu
keluarga balungan. Ing gamelan nduweni 2 demung. Demung ngasilake nada oktaf
rendah ing keluarga balungan.tabuh demung digawe saka kayu dening bentuke koyo
palu luwih gedhe lan luwih abot saka tabuh saron.
Ø Kempul
Kempul bentuk e uga mirip gong nanging ukurane luwih cilik. Kempul
fungsine minangka pratandha aksen-aksen kang penting ing kalimat lagu gendhing.
Kempul dimainake dening nada kang padha
mirip nada balungan.
Ø Kenong
Kenong yaiku salah sawijining alat musik kang nyusun gamelan jawa.
Kenong biasane dimainake dening dithuthuk. Fungsine kenong yaiku minangka
penentu bates-bates gatra, negesne irama. Kenong dithuthuk nggawe thuthuk kayu
sing dibuntel kain. Jumlahe beda-beda nanging biasane 10 besik.
Ø Slenthem
Slenthem yaiku salah sawijining instrument gamelan kang kalebu saka
lembar logam tipis kang diuntai nggawe tali lang di rentangno ing ndhuwur tabung-tabung
lan ngasilake dengungan rendah utawa gema sing diikuti nada saron, ricik, lan
balungan yen ditabuh.
Ø Bonang
Bonang yaiku gamelan jawa kang nduweni instrument melodi terkemuka
ing dengung gamelan sunda. Bonang biasane diselehake horizontal ing rancak. Bonang bisa digawe
saka perunggu sing palsu , dilas lan dipalu wesi.
Ø Gender
Gender yaiku alat musik thuthuk wesi kang dadi bagian saka
perangkat gamelan jawa lan bali. Gender nduweni 10 sampek 14 bilah kuningan lan
dikethuk karo thuthuk kayu sing nduwe bentuk bunder utawa kayu dibuntel kain.
Ø Kendhang
Kendhang yaiku instrumen gamelan jawa tengah sing nduweni fungsi
ngatur irama. Kendhang diunekake gawe tangan . jenise kendhang ana papat yaiku:
1.
Kendhang cilik
kasebut ketipung
2.
Kendhang
sendhengan kasebut ciblon
3.
Kendhang gedhe
kasebut kendhang kalih.
Dimainake ing gendhing kang karaktere alus kayata ketawang,
gendhing kethuk kalih lan landrang irama dadi.
4.
Kendhang kosek
Kendhang kosek yaiku kendhang khas digawe wayangan
c. Kelir
Kelir yaiku layar
lebar kang digunakake ing pagelaran wayang kulit
d. Debog
Debog yaiku wit
gedang kang digunakake kanggo nancepake wayang
e. Blenceng
Blenceng yaiku lampu
minyak kang khusus digunakake ing pagelaran wayang kulit
f. Kotak wayang
Kotak wayang yaiku
panggonan kanggo nyimpen wayang uga kanggo ‘keprak’ dalang liyane iku uga
kanggo panggonan nyantolake ‘kepyak’. Ukurane yaiku 1,5 meter peng 2,5 meter.
2.
Unsur Manungsa
Yaiku wong kang duwe peran penting gawe kelancarane lan keberhasilan
pagelaran wayang. Unsur kang di maksud ing antarane:
a. Dalang
Dalang yaiku
sutradara, pemain, artis sarta tokoh sentral ing pagelaran wayang. Tanpa dalang
pagelaran wayang iku ora bakal ana.
b. Penyimping
Penyimping yaiku
wong kang bantu dalang nyiapake wayang kang jajar utawa disimping ing debog.
Gawenane penyimping ora mung jajar wayang, ananging uga nyiapake keperluane
dalang kayata nyiapake wayang kang digunakake manut urutane adegane, nempatake
kotak wayang sarta keprak lan kepyak, nyiapake cempala, masang lan ngurupake
blencong, lan sapitunggalane.
c. Panjak
Panjak yaiku wong
kang nduweni tugas mainake gamelan.
d. Sinden
Sinden yaiku wong
sing nyanyi ing pagelaran wayang
BAB III
PANUTUP
3.1 Dudutan
wayang iki ora mung sumebar ing Jawa wae, nanging uga ing
tlatah liya ing Nuswantara. wayang iku
pagelaran nganggo boneka kang umume katon endah ing wewayangane lan dilakokake
dening dhalang kanthi iringan gamelan. Boneka kasebut
bisa kang awujud 2 dhimensi utawa awujud 3 dhimensi. Umume, kang wujud 2
dhimensi, kagawe saka kulit (walulang), kang biyasane kulit sapi, utawa wedhus.
Lan kang wujud 3 dhimensi, lumrah digawe saka kayu kang direnggani penganggo
saka kain kang maneka warna adhedhasar karakter wayang kasebut. Nanging ing
sawatara tlatah, uga ana kang gawe wayang saka suket, lan kerdhus, ananging wayang
jinis ngene iki ora pati akeh ditemoke ing Indonesia.
Jinising wayang inggih menika: wayang Golek, wayang Thengkul
Bojonegoro, wayang Krucil, wayang Purwa, wayang Beber, wayang Uwong, wayang
Gedog, wayang Sasak, wayang Calonarang, wayang WahyWayang Menak, wayang Klitik,
wayang Suluh, wayang Papak wayang Madya, wayang Parwa, wayang Sadat, wayang
Kancil.
3.2 Saran
1. wayang iku budaya
jawa asli dadi kudu di lestarikake lan aja di lalekne.
2. kita dadi kaum
muda kudu iso jaga kebudayaan jawa , kayata budaya wayang.
3. kita dadi penerus
bangsa kudu nunjukake budaya wayang ing tingkat internasional.
KAPUSTAKAN
Tidak ada komentar:
Posting Komentar